Ek Thi Ladki Meri Saheli – Asha Bhosle (Gumrah 1963) Song Lyrics


Song Ek Thi Ladki Meri Saheli
Singer Asha Bhosle
Music Ravi
Lyrics Sahir Ludhianvi
CategoryHindi Song Lyrics 2022

Ek Thi Ladki Meri Saheli Song Lyrics by Asha Bhosle

Ek thi ladki meri saheli

Sath pali aur sath hi kheli

Phoolon jaise gaal the uske

Resham jaise baal the uske

Hansti thi aur gaati thi woh

Sabke man ko bhaati thi woh

Jhalardar skirt pehan ke

Jab chalti thi woh banthan ke

Hum usko gudiya kehte the

Rangon ki pudiya kehte the

Saare school ki pyaari thi woh

Nanhi rajkumari thi woh

Ek din usne bholepan se

Poochha yeh papa se jaake

Ab main khush rehti hoon jaise

Sada hi kya khush rahungi aise

Papa bole meri bachchi

Baat bataun tujhko sachchi

Kal ki baat na koyi jaane

Kehte hain yeh sabhi siyane

Yeh mat socho kal kya hoga

Jo bhi hoga achchha hoga

Yeh mat socho kal kya hoga

Jo bhi hoga achchha hoga

Bachpan beeta aayi jawani

Ladki ban gayi roop ki raani

College mein ithlaati phirti

Balkhaati lehraati phirti

Ik sundar chachal ladke ne

Chhup chhup kar chupke chupke se

Ladki ki tasvwwr banayi

Aur yeh keh kar use dikhayi

Is par apna naam to likh do

Chhota sa paigam to likh do

Ladki pehle to sharmayi

Phir man hi man mein muskaayi

Boli ik tasveer tumhari

Maine bhi hai dil mein utaari

Bolo is par naam likhoge

Tum bhi kuchh paigam likhoge

Ladka bola naam bhi in hai

Ab apna paigam bhi ik hai

Ab woh dono gaate phirte

Masti mein lehrate phirte

Ik din usne bholepan se

Poochha yeh apne saajan se

Ab main khush rehti hoon jaise

Sada hi kya khush rahungi aise

Usne kaha ki meri raani

Itni baat hai maine jaani

Kal ki baat na koyi jaane

Kehte hain yeh sabhi siyane

Yeh mat socho kal kya hoga

Jo bhi hoga achchha hoga

Yeh mat socho kal kya hoga

Jo bhi hoga achchha hoga

Yeh mat socho kal kya hoga

Jo bhi hoga achchha hoga

Movie Video Credits

Song: Ek Thi Ladki Meri Saheli
Singer : Asha Bhosle
Film : Gumrah (1963)
Lyricist : Sahir Ludhianvi
Music Director : Ravi
Producer / Director: B R Chopra
Cast : Ashok Kumar,Sunil Dutt, Mala Sinha, Shashikala, Nirupa Roy, Vandana, Rehman, Nana Palsikar
Production Co: B.R. Films